نصمم مواقع احترافية لشركات العقار والعيادات والمشاريع الصغيرة، مبنية من أول سطر عشان تحوّل الزائر لعميل يتواصل معك. ونكمّل معك بإدارة حسابك في الإنستغرام عشان يوصلك جمهور أكبر.
كثير من الشركات عندها موقع، بس ما يجيب ولا طلب. المشكلة مو في وجود الموقع، المشكلة في طريقة بنائه. هذي أكثر ٣ أخطاء نشوفها:
حرّك الماوس على الصورة وقارن
عنوان عام مثل «أهلًا بكم في موقعنا» وصور متحركة، والزائر يطلع قبل ما يعرف إن عندك اللي يدوّر عليه.
نموذج طويل في آخر الصفحة، ورقم الجوال مخفي، ونافذة اشتراك تغطي الشاشة.
أغلب عملائك يفتحون من الجوال، والموقع ياخذ ثواني طويلة وخطه صغير ما ينقرى.
تصفّح المواقع بنفسك، وشوف القرارات اللي بنيناها عشان تقرّب الزائر من الحجز أو التواصل.
وقّف الماوس على الموقع عشان يتصفح لك
ما نخفي الأسعار ولا نطلب منك تتواصل عشان تعرفها. ابدأ بالباقة المناسبة لك اليوم، ونكبّرها معك بعدين.
لمشروع جديد يبغى موقع احترافي يعرّف فيه ويستقبل تواصل العملاء.
اللي تاخذه:
لشركة عقار أو عيادة تبغى موقعها يجيب طلبات، مو بس يعرّف فيها.
كل اللي في الأساسية، وفوقها:
لشركة عندها خدمات أو مشاريع كثيرة وتحتاج نظام حجز ولوحة تحكم.
كل اللي في الأعمال، وفوقها:
لسه متردد؟ نصمم لك الصفحة الرئيسية مجانًا، وإذا ما عجبتك ما تدفع ولا ريال.
لحساب يحتاج نشر منتظم بدون ما تشيل همّه.
اللي تاخذه كل شهر:
لحساب يبغى تفاعل أكثر وجمهور مهتم بخدماتك.
كل اللي في الأساسية، وفوقها:
لشركة تبغى رسائل وعملاء من إنستغرام كل شهر.
ميزانية الإعلانات منفصلة وتُدفع لـ Meta مباشرة. أقل مدة اشتراك شهرين.
ابدأ بهذه الباقةكل اللي في النمو، وفوقها:
كيف نسوي الريلز؟ نرسل لك أفكار التصوير ضمن خطة المحتوى، تصوّر من جوالك، وعلينا المونتاج والنشر.
اشترك في أي باقة موقع مع باقة تسويق لمدة ٣ شهور، وخذ خصم ١٠٪ على التسويق.
مواعيد واضحة وخطوات محددة، وما تدفع ولا ريال قبل ما تشوف تصميم موقعك ويعجبك.
نسألك عن خدماتك وعملائك وش تبغى الموقع يحقق لك، ونحدد معك الباقة المناسبة.
نحسّن المحتوى اللي أرسلته عشان يكون موجّه للبيع، ونصمم لك الصفحة الرئيسية كاملة. تشوف موقعك الحقيقي قبل أي التزام.
باقي الصفحات، نماذج الطلب، ربط الواتساب، والتوافق مع الجوال. تتابع الشغل أول بأول وتطلب أي تعديل.
تعديلات بدون حد ضمن نطاق باقتكنربط الدومين والاستضافة، نتأكد إن كل زر ونموذج يشتغل، ونسلّمك موقع جاهز يستقبل طلبات. والدعم الفني معك حسب باقتك.
كنا نبغى موقع يليق بمشاريعنا ويسهّل على العميل يحجز معاينة، وجرويب فهموا هذا من البداية. الموقع طلع فخم وواضح، ويعرض كل مشروع بتفاصيله بشكل مرتب.
أغلب عملائنا يتواصلون من الجوال وهم قلقانين على حيواناتهم، فكان مهم الحجز يكون سهل وسريع. جرويب صمموا لنا موقع مرتب يوضح خدماتنا وأطباءنا، والحجز صار يوصلنا مباشرة على الواتساب.
نصمم لك الصفحة الرئيسية مجانًا خلال ٤ أيام عمل. تعجبك؟ نكمّل. ما تعجبك؟ ما تدفع ولا ريال.
ابدأ بالتصميم المجانياكتب لنا على الواتساب، ونرد عليك بنفسنا مو برسالة آلية.
اسألنا على الواتسابعن الموقع
ولا يهمك، نكتبها لك ضمن الباقة بدون تكلفة إضافية. نسألك عن نشاطك وعملائك في المكالمة، ونكتب محتوى واضح وموجّه للبيع. وإذا عندك نصوص، نحسّنها لك بنفس الطريقة.
لا. السعر المكتوب هو اللي تدفعه، بدون ضريبة إضافية. الدومين والاستضافة مجانًا أول سنة، ونوضح لك سعر التجديد قبل ما تبدأ. وأي إضافة خارج باقتك، مثل صفحة أو ميزة جديدة، نتفق على سعرها معك قبل ما نشتغل عليها.
إيه. إذا عندك دومين، يبقى في حسابك وكل شي يكون عندك. وإذا حجزناه لك، تاخذ حساب على الاستضافة تدخل منه على موقعك في أي وقت. ولو قررت تنقل موقعك لجهة ثانية، نسلّمك الدومين والملفات كاملة.
أكيد. نسلّمك لوحة تحكم ونعطيك تدريب عليها عشان تعدّل بنفسك، أو ترسل لنا التعديل ونسويه لك. التعديلات البسيطة مثل تغيير نص أو صورة علينا مجانًا، والإضافات الجديدة نتفق على سعرها قبل.
خلال تنفيذ موقعك تطلب أي تعديل على التصميم أو المحتوى لين يعجبك، بدون عدد محدد للتعديلات. الشرط الوحيد إنها تكون ضمن نطاق باقتك، يعني إضافة صفحات أو مميزات جديدة تُحسب لحالها.
نبني الموقع بطريقة يفهمها قوقل، وفي باقتي الأعمال والنمو نضيف SEO وكتابة محتوى يساعد صفحاتك تظهر للي يدوّر على خدمتك. الوصول لأول النتائج ياخذ وقت ويعتمد على المنافسة في مجالك، وأي أحد يضمن لك المركز الأول خلال أيام لا تصدقه.
المنصة الجاهزة تعطيك قالب يشبه آلاف المواقع، والمستقل غالبًا يسلّمك تصميم وينتهي دوره. إحنا نبني موقعك عشان يبيع: نكتب المحتوى، نحط الحجز والواتساب في المكان الصح، ونبقى معك بالدعم بعد الإطلاق. وتشوف تصميم صفحتك الرئيسية مجانًا قبل ما تدفع ريال.
اختر نشاطك وش تحتاج، ونرسل لك رسالة جاهزة على الواتساب. نرد عليك بنفسنا، ونبدأ بتصميم صفحتك الرئيسية مجانًا.